Tregtia me pakicë në Shqipëri ka shënuar një rritje të dukshme gjatë tremujorit të dytë të vitit 2025, duke reflektuar një zgjerim të konsumit të qytetarëve si për mallrat e përditshme ashtu edhe për karburantet.
Sipas të dhënave zyrtare, indeksi i volumit të shitjeve në tregtinë me pakicë arriti nivelin 117,1, me një rritje prej 6,2%krahasuar me të njëjtën periudhë të vitit 2024.
Edhe në krahasim me tremujorin e parë të këtij viti, ky tregues ka shënuar një rritje të moderuar prej 1,2%, pas përshtatjes sezonale.
Një pjesë e madhe e kësaj rritjeje vjen nga sektori i hidrokarbureve, ku volumi i shitjeve është rritur me 10,1% në raport me një vit më parë, duke dhënë kontributin më të lartë në ndryshimin vjetor, me +2,5 pikë përqindje.
Kjo tregon se shqiptarët po shpenzojnë gjithnjë e më shumë për karburant, si pasojë e kërkesës së lartë dhe lëvizshmërisë më të madhe.
Edhe artikujt jo-ushqimorë kanë dhënë ndikim pozitiv me +2,2 pikë përqindje, ndërsa ushqimet, pijet dhe duhanikanë kontribuar me +1,5 pikë përqindje, duke treguar se konsumi në përgjithësi është në rritje.
Të dhënat nënvizojnë se konsumi i brendshëm po rigjallërohet, me një shtysë të fortë nga shpenzimet për karburant, duke reflektuar një ekonomi ku qytetarët po përdorin më shumë automjetet, por njëkohësisht përballen edhe me çmime të larta në tregun e energjisë dhe transportit. /skyweb.al
