Në orët e para të mëngjesit të së hënës, një aksident tragjik ndodhi në aeroportin ndërkombëtar të Hong Kongut, kur një avion rrëshqiti nga pista gjatë uljes dhe përfundoi pjesërisht në ujë.
Rreth orës 03:50, avioni i tipit Boeing 747, në pronësi të kompanisë turke ACT Airlines dhe marrë me qira (ëet lease) nga Emirates, po vinte nga Dubai.
Në momentin e aksidentit, avioni nuk mbante pasagjerë apo ngarkesë. Nga hetimet paraprake, dy persona që ndodheshin në një automjet të shërbimeve tokësore pranë pistës, humbën jetën.
Katër anëtarët e ekuipazhit shpëtuan dhe u dërguan me urgjencë në spital për trajtim.
Pamjet e publikuara nga mediat lokale tregojnë avionin gjysmë të fundosur, me pjesën e përparme të trupit në ujë dhe bishtin të shkëputur nga pjesa tjetër.
Autoritetet e aeroportit reaguan menjëherë dhe mbyllën përkohësisht pistën veriore, ndërsa të dy pistat tjera vazhduan operacionet me kujdes.
Departamenti i Aviacionit Civil në Hong Kong njoftoi se po punon ngushtë me kompaninë ajrore për të hetuar në mënyrë të plotë shkaqet e këtij aksidenti. /Skyweb.al
