Dollari amerikan është futur në një kurs zhvlerësimi të vazhdueshëm ndaj monedhave të tjera si edhe lekut gjatë javëve të fundit për shkak të pasigurisë në botë si edhe vendimeve të administratës në lidhje me tarifat si edhe sulmin e fundit të Presidentit ndaj FED mbi normat e interesit.
Gjatë ditës së sotme, një dollar amerikan u këmbye me mesatarisht 85.78 lekë sipas të dhënave të Bankës së Shqipërisë.
Ky është treguesi më i ulët që prej të paktën 15 vitesh, pasi ekonomia amerikane nisi të ringrihej nga kriza e viteve 2008-2009.
Në lidhje me kursin e këmbimit vendas, faktorëve të jashtëm pritet t’u shtohen edhe faktorët e brendshëm siç janë nisja e sezonit turistik si edhe fushata zgjedhore, periudha që karakterizohen nga një sasi e madhe valute në treg duke rritur kështu presionin ndaj dollarit dhe monedhave të tjera. /skyweb.al
