Wizz Air ka reaguar në lidhje me lajmin e publikuar nga SkyWeb.al për tarifat abuzive të aplikuara në biletat e një familjeje që nisej nga Tirana për në Bergamo. Shkrimi i djeshëm i redaksisë gjeti shpërndarje të gjerë në media për shkak të problematikës së mprehtë të abuzimeve të mëdha të Ëizz Air me kostot shtesë dhe tarifat e fshehta që aplikon me biletat ndaj pasagjerëve.
FATURAT/ Si po i zhvat Wizz Air shqiptarët : Ikni ankohuni në Angli po deshet!
Në një sqarim për redaksinë, kompania thotë se e pranon shqetësimin dhe se kërkon ndjëse duke shtuar se familja e dinte që në fillim sa do të ishte kostoja finale e biletave e cila nisi me 330 euro dhe përfundoi në 770 euro.
“Ne kërkojmë ndjesë për çdo pakënaqësi të shkaktuar dhe e kuptojmë faktin që tarifat e ndryshimit të fluturimeve mund të jenë të frustruese. Megjithatë, dëshirojmë të theksojmë se: – Pasagjeri u informua për kostot para se të finalizonte ndryshimin; – Nuk u aplikuan tarifa shtesë apo të fshehura jashtë strukturës së çmimeve të përcaktuara nga Wizz Air; – Ekipi ynë i shërbimit ndaj klientit shqyrtoi kërkesën në mënyrë të thelluar dhe konfirmoi se ndryshimi u përpunua siç duhet. Wizz Air është krenare për kontributin e saj të rëndësishëm në rritjen e turizmit në Shqipëri, duke ofruar mbi 45 linja direkte nga Tirana dhe duke mbështetur mijëra udhëtarë çdo javë”, reagon Wizz Air.
Ndërkohë, kompania nuk ka thënë asnjë fjalë për talljen me klientët duke mos marrë parasysh ankesat për ccmimet, duke i orientuar në mënyrën më të pasjellshme që të ankohen në një institucion në Angli duke ditur ndërkohë që kjo njësi nuk ka autoritet në Shqipëri.
Wizz Air e nisi si një kompani low cost por siç do të vërtetojë në vijim Skyweb.al është kthyer në njërën prej kompanive më të shtrenjta të fluturimeve në Shqipëri duke abuzuar edhe me pozitën dominuese në treg dhe rrezikuar strategjinë e qeverisë shqiptare për ta kthyer vendin në një destinacion turistik.
Skyweb i është drejtuar me një ankesë edhe Autoritetit të Konkurrencës në lidhje me çështjen në fjalë dhe do të ndjekë me përparësi sjelljen prej plaçkitësish të Wizz Air me shqiptarët. /skyweb.al
