Kënga për fëmijë Baby Shark Dance e krijuar nga kompania koreano-jugore Pinkfong është videoja më e shikuar në historinë e YouTube dhe ka grumbulluar më shumë se 16 miliardë shikime që nga publikimi i saj në vitin 2016, por përkundër popullaritetit të jashtëzakonshëm, kjo nuk ka sjellë një pasuri të madhe për kompaninë, shkruan Wall Street Journal.
Vit për vit, videoja ka rreth 4 milionë riprodhime në ditë por të ardhurat e raportuara për kompaninë janë relativisht të ulëta me vetëm 67 milionë dollarë vitin e kaluar dhe fitimi operativ rreth 13 milionë dollarë
Arsyeja kryesore lidhet me politikat e YouTube për përmbajtjen e destinuar për fëmijë të cilat u forcuan në vitin 2020 dhe përjashtojnë reklamat e personalizuara si dhe çaktivizojnë veçori si komentet dhe njoftimet për abonentët Këto kufizime kanë kufizuar në mënyrë të konsiderueshme të ardhurat që videoja mund të gjeneronte dhe analistët mendojnë se pa këto rregulla Baby Shark mund të kishte sjellë dy ose tre herë më shumë të ardhura
Pinkfong ka plane për të ardhmen dhe synon të bëhet kompani publike duke u regjistruar në bursën Kosdaq në Kore me një vlerësim rreth 375 milionë dollarë Oferta publike fillestare synon të mbledhë rreth 50 milionë dollarë të cilat do të përdoren për krijimin e tre titujve të rinj për përmbajtje deri në vitin 2028
Kënga Baby Shark është përkthyer në 25 gjuhë dhe tregu kryesor mbetet Shtetet e Bashkuara ndërsa Brazili ka dhënë më shumë pëlqime. /Skyweb.al
