Këshilli i Ministrave ka miratuar sot emërimin e Vilma Gurit në krye të Departamentit të Administratës Publike, gjatë mbledhjes së zhvilluar në mesditë nën drejtimin e Kryeministrit Edi Rama.

Vendimi vjen pas një periudhe ku Guri ka shërbyer si këshilltare pranë Kryeministrit, ndërsa tani merr një nga postet më të rëndësishme të administratës shtetërore.

Emërimi i saj shënon edhe largimin nga detyra të Enkela Dudushit, e cila pritet të vijojë angazhimet në pozicione të tjera brenda strukturave të institucionit.

Lëvizja ndodh në një moment ku Bashkimi Europian dhe partnerët ndërkombëtarë kërkojnë përshpejtimin e reformave në administratën publike, forcimin e transparencës dhe rritjen e llogaridhënies.

Qeveria synon që ndryshimet në nivel drejtues të japin ritëm të ri në zbatimin e këtyre standardeve. /skyweb.al