Nëse keni vëzhguar ndonjëherë me kujdes pasagjerët në momentin që hipin në avion, mund të keni parë një veprim të çuditshëm, por gjithnjë e më të zakonshëm: ata prekin me dorë derën e avionit, qoftë një prekje e lehtë, një përkëdhelje e shkurtër, apo edhe një trokitje diskrete.
Ky gjest i thjeshtë, që ndodh në sekondat para se të kalojnë pragun e mjetit fluturues, është shndërruar në një formë personale rituali për shumë udhëtarë në mbarë botën, raporton skyweb.al.
Çfarë përfaqëson ky gjest?
Për disa, prekja e derës është një akt supersticioz, një mënyrë për të “bekuar” fluturimin ose për të kërkuar fat të mirë. Të tjerë e bëjnë si një shprehje falënderimi për teknologjinë, ekipin dhe vetë mjetin që do t’i ngrejë në ajër.
Por për shumë të tjerë, është thjesht një mënyrë për të ulur ankthin apo për t’i dhënë vetes një ndjesi kontrolli.
Nga ka nisur kjo sjellje?
Edhe pse nuk ka një burim të saktë të dokumentuar, gjesti është përhapur kryesisht përmes rrjeteve sociale, ku udhëtarë të shumtë ndajnë videot e tyre me mbishkrime si:
“E preka derën, tani jemi gati”
apo
“Gjithmonë e bëj para çdo fluturimi, më jep qetësi”.
Piloti dhe vlogeri i njohur amerikan Patrick Smith ka komentuar më herët se kjo është një sjellje njerëzore për të gjetur balancë psikologjike përballë frikës ndaj fluturimeve. /skyweb.al
