Kryeministri Edi Rama ka garantuar mbështetje të plotë për familjet dhe fermerët e prekur nga zjarret e ditëve të fundit në vend.
Ai u shpreh se çdo banesë e shkatërruar do të rindërtohet falas, ndërsa fermerët që kanë humbur krerët e blegtorisë do të rifinancohen plotësisht.
“Ku i humbi shtëpia do t’ia rindërtojmë falas dhe ku i humbi krerët do t’ia rifinancojmë një më një”, shkroi Rama në rrjetet sociale.
Ndërkohë, ministri i Mbrojtjes Pirro Vengu bëri të ditur se procesi i vlerësimit të dëmeve do të kryhet nga bashkitë përkatëse, për të përcaktuar nevojat dhe masat konkrete të ndihmës./skyweb.al
