Të dhënat zyrtare tregojnë se gjatë viteve të fundit është rritur ndjeshëm numri i të huajve që kanë fituar shtetësinë shqiptare, ndërsa numri i shqiptarëve që heqin dorë prej saj ka ardhur në rënie.
Në vitin 2024, 919 persona fituan shtetësinë shqiptare, ndërsa vetëm 472 e lanë atë, shifër që përfaqëson nivelin më të ulët të tetë viteve të fundit, raporton skyweb.al.
Krahasuar me vitin 2022, kur u regjistrua kulmi me 1.527 raste fitimi shtetësie, vihet re një rënie, por prapë bilanci mbetet pozitiv, pasi fitimet tejkalojnë dukshëm humbjet. Nga ana tjetër, lënia e shtetësisë shënoi ulje të fortë nga 870 raste në vitin 2023 në vetëm 472 vitin e kaluar. /skyweb.al
