Tesla ka propozuar një paketë të re pagese shpërblimo për shefin ekzekutiv Elon Musk, me vlerë deri në 1 trilion dollarë përgjatë dekadës së ardhshme, nëse ai arrin një sërë objektivash të vështirë.
Plani i publikuar nga bordi i kompanisë parashikon që Musk të mos marrë as pagë fikse dhe as bonus tradicional.
Përkundrazi, shpërblimi do të vijë përmes aksioneve, të cilat do të zhbllokohen në këste të lidhura me rritjen e vlerës së tregut të Teslës dhe përmbushjen e disa synimeve të mëdha.
Këto objektiva përfshijnë një rritje të ndjeshme të fitimeve, prodhimin dhe shitjen e miliona makinave, zhvillimin e shërbimit të robotaksive dhe avancimin e projekteve të inteligjencës artificiale, përfshirë robotët humanoidë.
Nëse plani miratohet nga aksionerët dhe realizohet në praktikë, ai do të përfaqësojë paketën më të madhe të kompensimit të një drejtuesi ekzekutiv në historinë e korporatave amerikane. /skyweb.al
