Kërkesa globale për uraniumin e përdorur në reaktorët bërthamorë pritet të rritet me një të tretën, duke arritur në 86 mijë ton deri në vitin 2030 dhe në 150 mijë ton deri në vitin 2040, sipas një raporti të publikuar nga World Nuclear Association.
Por, paralelisht me rritjen e kërkesës, prodhimi i minierave aktuale pritet të pësojë përgjysmim mes viteve 2030 dhe 2040, pasi shumë prej rezervave ekzistuese do të shterojnë.
Raporti paralajmëron se, pa investime të reja për zbulimin dhe shfrytëzimin e burimeve të reja të uraniumit, përfshirë hapjen e minierave të reja ose riaktivizimin e atyre të braktisura, bota mund të përballet me një krizë serioze furnizimi që rrezikon vetë bazat e rilindjes bërthamore të shumë vendeve.
Industria paralajmëron se mungesa e furnizimit me uranium mund të ndikojë drejtpërdrejt në sigurinë energjetike dhe në përpjekjet për të zëvendësuar karburantet fosile me energji bërthamore si pjesë e tranzicionit të gjelbër global. /skyweb.al
Burimi: Financial Times – World Nuclear Association
