Kompania Microsoft ka njoftuar formimin e një ekipi të ri me emrin MAI Superintelligence Team, i cili synon të krijojë sisteme inteligjence artificiale që do të kenë kapacitete ndjeshëm më të larta se ato njerëzore në fushë të caktuara, por fillimisht në diagnostikimin mjekësor.
Ekipi udhëhiqet nga drejtori për inteligjencën artificiale, Mustafa Suleyman, dhe përfshin studiues ekzistues të Microsoft-it dhe anëtarë të rinj, ndër të cilët edhe Karen Simonyan si shkencëtar kryesor.
Ndryshe nga kompanitë që synojnë krijimin e inteligjencës artificiale të përgjithshme (“AGI”), Microsoft thekson se synimi është një “super-inteligjencë humaniste”, modele shumë specifike për fushë të caktuara, që të kenë përfitim real për njerëzit dhe të shmangin rreziqe ekzistenciale.
Suleyman shprehet se diagnostikimi mjekësor është fusha ku Microsoft sheh “udhë” për të arritur një formë të superinteligjencës brenda 2-3 vjetësh. /Skyweb.al
