Presidenti i Republikës, Bajram Begaj, dekretoi sot emërimin e Kryeministrit dhe kabinetit të ri qeveritar, duke i përcjellë dekretet për kompetencë Kuvendit të Shqipërisë. Pas miratimit të programit dhe përbërjes nga Kuvendi, Kryeministri dhe ministrat do të zhvillojnë ceremoninë e betimit në Institucionin e Presidentit.
Në listën e re të Këshillit të Ministrave, bie në sy fakti se Kryeministri Edi Rama ka marrë përsipër vetë ngritjen dhe funksionimin e Ministrit Virtual të Inteligjencës Artificiale “Diella”, duke qenë i vetmi i dekretuar për këtë përgjegjësi. (Lexo edhe dekretin për “Diellën” te emri i Ramës).
Presidenti Begaj ka dekretuar përbërjen e plotë të qeverisë, e cila përfshin:
-
Belinda Balluku, Zëvendëskryeministër dhe Ministre e Infrastrukturës dhe Energjisë;
-
Albana Koçiu, Ministre e Punëve të Brendshme;
-
Elisa Spiropali, Ministre për Evropën dhe Punët e Jashtme;
-
Petrit Malaj, Ministër i Financave;
-
Blendi Gonxhja, Ministër i Turizmit, Kulturës dhe Sportit;
-
Sofjan Jaupaj, Ministër i Mjedisit;
-
Mirela Kumbaro Furxhi, Ministre e Arsimit;
-
Evis Sala, Ministre e Shëndetësisë dhe Mirëqenies Sociale;
-
Delina Ibrahimaj, Ministre e Ekonomisë dhe Inovacionit;
-
Besfort Lamallari, Ministër i Drejtësisë;
-
Pirro Vengu, Ministër i Mbrojtjes;
-
Andis Salla, Ministër i Bujqësisë dhe Zhvillimit Rural;
-
Ervin Demo, Ministër i Shtetit për Pushtetin Vendor;
-
Majlinda Dhuka, Ministre e Shtetit dhe Kryenegociatore;
-
Adea Pirdeni, Ministre e Shtetit për Administratën Publike dhe Antikorrupsionin;
-
Toni Gogu, Ministër i Shtetit për Marrëdhëniet me Parlamentin.
Qeveria e re pritet të nisë punën zyrtarisht pas përmbylljes së procedurave kushtetuese dhe betimit të anëtarëve të kabinetit.
