Një 34-vjeçare ka humbur jetën në bordin e një avioni të kompanisë ajrore KLM që po udhëtonte nga Amsterdami drejt Los Angelos në SHBA. Ngjarja ndodhi të dielën në mëngjes, kur fluturimi KLM 601, një Boeing 787 Dreamliner, bëri një ulje emergjente në Aeroportin e Yelloëknife, në zonën Veriperëndimore të Kanadasë.
Policia njoftoi se raporti i parë për një pasagjere pa ndjenja u mor rreth orës 09:30 të mëngjesit. Pasagjerja u shpall e vdekur në spital, pavarësisht përpjekjeve për ta reanimuar, fillimisht nga ekuipazhi i avionit dhe më pas nga stafi mjekësor në tokë.
Për shkak të gjendjes së rënduar shëndetësore të pasagjerës, ekuipazhi kërkoi të devijonte fluturminin drejt Yelloëknife.
Pasi avioni u ul në mënyrë emergjente, ambulanca dhe policia mbërritën menjëherë në aeroport. E reja u dërgua në Spitalin Stanton, ku u konfirmua vdekja e saj.
Kjo ngjarje tragjike thekson rëndësinë e reagimit të shpejtë të ekuipazhit dhe përdorimin e pajisjeve mjekësore në bord për situata të tilla emergjente. Autoritetet po hetojnë më tej rrethanat e vdekjes së pasagjeres. /Skyweb.al
