Qielli i tetorit është bërë më magjepsës, pasi dy kometa të reja të sapo zbuluara po udhëtojnë pranë Tokës dhe po ofrojnë një pamje spektakolare për adhuruesit e astronomisë. Ato ndodhen tani në pikën më të afërt me planetin tonë dhe shihen më mirë gjatë këtij muaji.
Kometa C/2025 A6 (Lemmon) u zbulua më 3 janar 2025, ndërsa C/2025 R2 (SËAN) u vu re për herë të parë shumë më vonë, më 10 shtator jatë kalimit të saj të afërt pranë Diellit, sipas Qicheng Zhang, studiues i astronomisë së trupave të vegjël në Loëell Observatory në Arizona.
Këto dy kometa kanë orbita të gjata dhe ovale që i çojnë rreth Diellit dhe më pas i largojnë nga Toka për shekuj me radhë. Prandaj, periudha aktuale është një mundësi e rrallë për t’i parë me sy të lirë ose përmes dylbive dhe teleskopëve.
Kometa SËAN nuk do të rikthehet në afërsi të Tokës për 650 deri në 700 vjet, ndërsa Lemmon do të qëndrojë larg për më shumë se 1,300 vjet, thotë Carrie Holt, astrofizikane dhe hulumtuese në Las Cumbres Observatory, një rrjet ndërkombëtar observatoresh.
“SËAN mund të shikohet vetëm në mbrëmje të hershme, sapo errësohet qielli,” shpjegon Quanzhi Ye, studiues pranë Departamentit të Astronomisë në Universitetin e Maryland-it.
“Ndërsa Lemmon është aktualisht e dukshme para lindjes së diellit, por së shpejti do të shfaqet vetëm në mbrëmje.”
Të dyja kometat shfaqen pranë Diellit nga këndvështrimi i Tokës, ndaj dritarja e vëzhgimit është shumë e shkurtër çdo ditë. Për të kapur spektaklin, duhet të jeni të vëmendshëm ndaj orareve të lindjes dhe perëndimit të Diellit në zonën tuaj dhe të keni qiell të pastër pa ndotje ndriçimi. /Skyweb.al
