Ministria e Mbrojtjes ka publikuar për konsultim publik një projektvendim që synon miratimin e listave të mallrave që “mund të përdoren ose nuk kanë përdorim tjetër përveç qëllimit të dënimit me vdekje, torturës ose dënime apo trajtime mizore, çnjerëzore ose poshtëruese”.
Projektligji parashikon kontroll të rreptë shtetëror mbi eksportin, importin dhe transferimin ndërkombëtar të këtyre mallrave, duke ndaluar përdorimin e tyre për qëllime që bien ndesh me të drejtat themelore të njeriut. Këto masa janë në përputhje me detyrimet ndërkombëtare të Shqipërisë dhe përafrimit të legjislacionit me atë të Bashkimit Europian.
Drafti paraqet një listë të gjatëq të sendeeve të ndaluara, përfshirë:
Trekëmbësh, gijotina dhe tehet për gijotinat;
Karrige elektrike për ekzekutimin e qenieve njerëzore;
Struktura hermetike, të bëra për shembull prej çeliku dhe xhami, të ndërtuara për ekzekutimin e qenieve njerëzore me anë të përdorimit të një gazi ose substance vdekjeprurëse;
Sisteme automatike për injektimin e ilaçit të përgatitura për ekzekutimin e qenieve njerëzore me anë të përdorimit të një substance kimike vdekjeprurëse.
Pajisjet elektroshok të cilat synohen që të mbahen në trup nga një person i kufizuar, të tillë si: rripat, mëngët dhe prangat, të ndërtuara për kufizimin e qenieve njerëzore nën përdorimin e shokëve elektrikë. /Skyweb.al
