Ethet janë të pakëndshme, bezdisëse dhe herë pas here të rrezikshme. Por ato janë gjithashtu një pjesë thelbësore e mënyrës se si mbrohemi.
Është ora 3 e mëngjesit dhe nuk mund të flini. Djersitja dhe dridhjet ju tregojnë se diçka nuk është në rregull me trupin tuaj. Dhe I thoni vetes se keni temperaturë.
Ethet janë një nga simptomat më të zakonshme gjatë infeksioneve nga viruse dhe baktere. Edhe pse të pakëndshme dhe ndonjëherë të rrezikshme, ato janë një pjesë thelbësore e mënyrës se si trupi ynë mbron veten.
Ky reagim mbrojtës ekziston prej më shumë se 600 milionë vitesh dhe është vërejtur tek shumë kafshë, jo vetëm tek njerëzit. Gjatë historisë, ethet janë lidhur me sëmundje të rënda si etheja e verdhë, etheja e dhenjës apo etheja e Lassa-s, dhe për shekuj me radhë njerëzit i trajtonin me metoda si uria apo nxjerrja e gjakut.
Vetëm pas zhvillimit të teorisë së mikrobeve nga Louis Pasteur në vitin 1861, u kuptua se ethet nuk janë sëmundja vetë, por një simptomë e trupit që tregon se ai po lufton kundër mikroorganizmave pushtues.
Një temperaturë trupore mbi 38°C konsiderohet ethe. Ajo mund të shkaktohet nga infeksione, sëmundje autoimune, inflamacione apo edhe vaksina. Kur trupi zbulon një patogjen, ai “rregullon termostatin” e vet për të ngritur temperaturën, gjë që ndihmon qelizat dhe enzimat të punojnë më mirë dhe e bën më të vështirë për viruset e bakteret të shumohen.
Megjithëse ethet janë një shenjë që trupi po lufton, në disa raste ato mund të bëhen të rrezikshme dhe kërkojnë trajtim mjekësor. /Skyweb.al
