Kompanitë shtetërore kineze të naftës kanë pezulluar blerjet e naftës ruse që vijnë nga deti, pas vendosjes së sanksioneve nga SHBA ndaj dy gjigantëve të industrisë së naftës në Moskë, Rosneft dhe Lukoil, sipas burimeve ekskluzive të Reuters.
Gjithashtu, rafineritë në Indi, që është blerësi më i madh i naftës ruse, po përgatiten të ulin ndjeshëm importet nga Rusia për t’u përshtatur me sanksionet amerikane. Kjo ulje e kërkesës nga dy nga importuesit më të mëdhenj të naftës ruse pritet të ndikojë ndjeshëm në të ardhurat nga shitja e naftës dhe mund të detyrojë blerësit kryesorë të kërkojnë burime alternative, duke rritur kështu çmimet globale të naftës.
Kompani shtetërore kineze si PetroChina, Sinopec, CNOOC dhe Zhenhua Oil kanë vendosur të ndalojnë përkohësisht tregtimin e naftës ruse detare për shkak të shqetësimeve mbi sanksionet. Bashkimi Evropian gjithashtu ka përfshirë dy rafineri kineze, me një kapacitet total prej 600,000 fuçi në ditë, në listën e tij të sanksioneve kundër Rusisë, përfshirë Chinaoil Hong Kong, një degë tregtare e PetroChina.
Rafineritë e sanksionuara janë Liaoyang Petrochemical dhe Shandong Yulong Petrochemical, të cilat përbëjnë rreth 3% të kapacitetit total të rafinimit të Kinës prej 19 milionë fuçi në ditë. /Skyweb.al
