Këshilli i Ministrave ka miratuar një sërë ndryshimesh në kabinetin qeveritar, me emërime të reja në nivelet drejtuese të disa institucioneve.
Herida Duro është emëruar zëvendësministre e Arsimit. Ajo ka mbajtur më parë detyrën e drejtoreshës së Turizmit në periudhën kur Ministria e Turizmit drejtohej nga Mirela Kumbaro.
Ndërkohë, Elda Xhumari është emëruar zëvendësministre e Mjedisit, ndërsa Roland Kristo është liruar nga detyra e zëvendësministrit të Bujqësisë, pas disa vitesh në këtë post.
Në të njëjtën mbledhje, qeveria ka vendosur edhe lirimin e Artë Dollanit nga detyra e Drejtoreshës së Përgjithshme të Agjencisë Kombëtare të Mjedisit. Dollani e mbajti këtë post që prej 17 dhjetorit 2021.
Vendimet për ndryshimet në nivelet drejtuese vijnë në kuadër të riformatimit të strukturave të brendshme në disa ministri, me synimin për të përshpejtuar proceset administrative dhe për të forcuar menaxhimin në sektorët përkatës. /skyweb
