Bitcoin ka rënë nën nivelin prej 90 000 dollarësh, duke fshirë me këtë gati 1.2 trilion dollarë nga vlera totale e tregut të kriptomonedhave, sipas të dhënave të CoinGecko.
Ky rrëshqitje përfaqëson një humbje të madhe, pasi kriptomarkati po përjeton një shitje të vazhdueshme nga investitorë që janë më pak të gatshëm të marrin rreziqe. Një nga faktorët që po nxit këtë pasiguri është dilema rreth normave të interesit në Shtetet e Bashkuara, dyshimet se do të ketë ulje të ardhshme po rrisin vigjilencën.
Analistët vënë në dukje se shitjet po vinë edhe nga kompani dhe institucione që kishin grumbulluar monedha gjatë periudhës rritëse. Në këtë kontekst, likuidimet masive janë forcuar në javët e fundit, ndërsa disa investitorë po tërhiqen nga ETF-et e Bitcoinit.
Ndërkohë, rënia e Bitcoin ka ndikuar edhe në kriptomonedha të tjera, me Ethereum që ka pësuar presion të shtuar. Ngjashëm, tregjet e aksioneve europiane po përjetojnë dobësi, ndërsa investitorët shqetësohen nga një sektor teknologjik që mund të jetë mbivlerësuar.
Në thelb, kjo lëvizje tregon se tregu i kriptove është duke u ballafaquar me një periudhë të re pasigurie makroekonomike, ku optimizmi i muajve të fundit po zbehet me shpejtësi. /Skyweb.al
