TikTok ka arritur mbi 200 milionë përdorues aktivë në muaj në Evropë, që përkthehet një në tre qytetarë të kontinentit e përdorin.
Kjo shifër shënon një rritje të ndjeshme krahasuar me vitin e kaluar, kur numëroheshin rreth 175 milionë përdorues në 32 vende evropiane. Platforma e videove të shkurtra, në pronësi të gjigantit teknologjik kinez ByteDance, numëron mbi 1 miliard përdorues aktivë në mbarë botën.
Rritja veçanërisht e shpejtë mes të rinjve ka bërë që TikTok të jetë një nga aplikacionet më të përdorura globalisht. Megjithatë, suksesi nuk ka ardhur pa sfida. TikTok është përballur me presione rregullatore në shumë vende të botës, veçanërisht në Shtetet e Bashkuara, ku ish-presidenti Donald Trump ka kërkuar ndarjen e aseteve të saj amerikane.
Në Evropë, kompania është gjobitur me 530 milionë euro nga autoriteti kryesor i mbrojtjes së të dhënave në BE, si pasojë e shkeljeve të privatësisë.
Ndërkohë, ByteDance pritet të nisë një program blerjeje aksionesh nga punonjësit, që pritet ta vlerësojë kompaninë me mbi 330 miliardë dollarë, sipas një raportimi të agjencisë Reuters.
Kujtojmë se në Shqipëri Tik Tok është ndaluar, megjithatë platforma online është e aksesueshme përmes VPN-ve. /Skyweb.al
