Gjatë një fluturimi Londër–Tiranë është regjistruar një situatë e pazakontë, pasi pesë pasagjerë kanë humbur ndjenjat papritur. Avioni i nisur nga Luton Airport, i cili pritej të mbërrinte në Rinas në orën 10:55, u detyrua të devijonte kursin dhe të rikthehej në Londër. Ngjarja ka ndodhur mbi Mynih, ku piloti ka vendosur të kthehet mbrapsht pasi Londra ishte më afër se destinacioni final.
Në momentin e uljes, pesë ambulanca kanë qenë të pranishme në pistë për të marrë pasagjerët e sëmurë, ndërsa ende nuk dihet shkaku i gjendjes së tyre të fikët. Ndërkohë, pasagjerët e tjerë do të nisen drejt Tiranës në një orar të mëvonshëm, duke shkaktuar vonesa edhe për fluturimin e kthimit nga Tirana drejt Londrës.
