Qeveria ka vijuar sot me zbatimin e programit strategjik “Paketa e Maleve”, një nismë që synon zhvillimin ekonomik, social dhe infrastrukturor të zonave malore dhe rurale, duke i kthyer territoret e thella dhe të braktisura në hapësira me potencial të ri ekonomik.
Me vendimin e ri, Bashkia Mat, Shijak dhe Shkodër shpallen zyrtarisht zona me përparësi zhvillimin e ekonomisë malore, duke hapur rrugën për lehtësira fiskale, investime në infrastrukturë, mbështetje për turizmin malor dhe skema të reja për prodhimin lokal.
Sipas qeverisë, fokusi është rritja e kapaciteteve të komuniteteve malore, nxitja e ekonomisë së gjelbër, forcimi i turizmit natyror e kulturor dhe krijimi i kushteve që ulin varësinë nga emigracioni. Qëllimi afatgjatë është frenimi i braktisjes së fshatrave dhe krijimi i kushteve që këto zona të bëhen tërheqëse për investime të qëndrueshme.
Masat përfshijnë:
• Lehtësira fiskale për aktivitetet malore
• Investime në infrastrukturë dhe shërbime publike
• Mbështetje për fermerët dhe prodhimin lokal
• Nxitje të turizmit natyror dhe agriturizmit
• Mundësi të reja për bizneset vendase dhe investitorët e huaj
Qeveria e konsideron këtë nismë një hap të rëndësishëm drejt barazisë territoriale dhe zhvillimit rajonal, duke synuar që potencialet natyrore të kthehen në motor ekonomik për komunitetet e largëta.
Zonat me përparësi zhvillimin e ekonomisë malore në Mat
Zona nr.1 – Liqenet e Gërmanit, fshati Selixë, njësia Komsi – 2 051 282 m²
Zona nr.2 – Zona ish–Vila e Zogut, Selixë – 1 585 237 m²
Zona nr.3 – Kurora e fshatit Selixë – 2 564 391 m²
Zonat me përparësi zhvillimin e ekonomisë malore në Shijak (Maminas & Gjepalaj)
• Rezervuari Rubjek 2 – 169.56 ha
• Rezervuari Rubjek 1 – 3.88 ha
• Rezervuari Rubjek 1 – 4.48 ha
• Rezervuari Karrec – 32.15 ha
• Rezervuari Karpen – 1.86 ha
• Rezervuari Karpen – 2.57 ha
• Rezervuari Karpen – 10.01 ha
• Rezervuari Metallë – 3.5 ha
• Rezervuari Metallë – 1.7 ha
• Rezervuari Metallë – 2.7 ha
• Rezervuari Metallë – 3 ha
• Rezervuari Metallë – 5.1 ha
• Rezervuari Metallë – 4.9 ha
• Rezervuari Metallë – 4.5 ha
• Rezervuari Metallë – 1.4 ha
• Rezervuari Callika – 8.16 ha
• Rezervuari Callika – 18.36 ha
• Rezervuari Çizmelia – 16.73 ha
• Rezervuari Shtraza – 5.3 ha
• Rezervuari Terzies – 1.98 ha
Zonat me përparësi zhvillimin e ekonomisë malore në Shkodër
• Theth – 2 286.3 ha
• Nderlysaj – 425.9 ha
• Rragam – 474.5 ha
• Sheldi – 388 ha
• Mazrek–Shpor – 845.8 ha
Me shpalljen e këtyre zonave prioritet kombëtar, qeveria synon të hapë një fazë të re zhvillimi për territorin malor, duke e integruar atë në strategjinë e zhvillimit ekonomik të vendit. /skyweb.al
