Kryeministri Edi Rama në edicionin e 8-të të podcastit “Flasim” u ndal te pezullimi i ish-zv.kryeministres Belinda Balluku, një çështje që aktualisht po shqyrtohet nga Gjykata Kushtetuese.
Ai e cilësoi si precedent të rrezikshëm vendimin e GJKKO-së, ku sipas tij një prokuror dhe një gjyqtar “u bënë bashkë për të shkarkuar një ministre dhe zv.kryeministre”.
Rama e quajti këtë një “koncept absurd”, duke theksuar se standardet ndërkombëtare janë të qarta. Ai përmendi Komisionin e Venecias dhe Gjykatën Evropiane të Strasburgut, të cilat, sipas tij, e konsiderojnë cënim të balancës së pushteteve ndërhyrjen e drejtësisë në shkarkimin e ministrave.
Sipas interpretimit të këtyre institucioneve, ministrat kanë funksione politike dhe jo administrative, prandaj vendime të tilla përbëjnë presion të drejtpërdrejtë ndaj politikës. /skyweb.al
