Stjuardesat pohojnë se një nga veprimet më të pasjellshme të pasagjerëve gjatë zbritjes nga avioni është ajo që në industrinë e aviacionit quhet “aisle lice”.
Termi përshkruan momentin kur pasagjerët ngrihen sapo avioni ndalon, futen me forcë në korridor dhe përpiqen të dalin përpara radhëve që u takojnë.
Kjo sjellje krijon tension të menjëhershëm dhe, në vend që ta përshpejtojë procesin e daljes, e ngadalëson atë ndjeshëm.
Problemi bëhet edhe më kritik për pasagjerët që kanë fluturime tranzit brenda pak minutash. Ekuipazhet njoftojnë rregullisht që atyre t’u lihet përparësi për të dalë, por ky njoftim shpesh shpërfillet nga njerëzit që bllokojnë korridorin dhe refuzojnë të hapin rrugën.
Në shumë raste, kjo sjellje u kushton pasagjerëve të tjerë humbjen e fluturimit pasardhës.
Rregullat e etikës në kabinë janë të thjeshta: çdo pasagjer duhet të qëndrojë në rreshtin e tij derisa të vijë radha, të ketë mbledhur paraprakisht sendet personale dhe të hapë rrugën kur dikush deklaron urgjencë të vërtetë lidhur me një fluturim tranzit. Njoftimi i stjuardesave për raste të tilla u jep atyre mundësinë të menaxhojnë situatën.
Ekuipazhet listojnë edhe sjellje të tjera problematike: hapjen e rafteve të bagazhit ndërsa avioni është ende në lëvizje në pistë, bllokimin e korridorit duke bërë fotografi, lënien e mbeturinave në sedilje, apo ndalimin në mes të “jet bridge” duke krijuar trafik.
Gjeste të vogla mirësjelljeje do ta bënin procesin më të qetë dhe më të shpejtë për të gjithë.
Kjo sjellje është e përhapur edhe mes pasagjerëve shqiptarë, të cilët shpesh ngrenë në këmbë sapo avioni prek tokën.
Ndërkohë, Turqia ka njoftuar se do të aplikojë gjoba për sjellje të tilla të pahijshme, me synimin për të rritur disiplinën dhe respektin gjatë procesit të zbritjes. /skyweb.al
