Andy Corbin, një punonjës IT nga Shtetet e Bashkuara, ka kthyer pasionin për kultivimin e kungujve gjigantë në një shkencë më vete.
Pas 15 vitesh përvoje në këtë fushë, ai ka krijuar një platformë unike që ndjek “pemën gjenealogjike” të mijëra kungujve rekord për të identifikuar kombinimet më të mira gjenetike për prodhim.
Sipas The Wall Street Journal, Corbin ka ndërtuar një bazë të dhënash që gjurmon origjinën e farave të kungujve gjigantë për disa breza, duke i ndihmuar kultivuesit në mbarë botën të zgjedhin farat me potencialin më të madh për peshë rekord.
Në këtë botë të vogël, por fitimprurëse, një farë e vetme mund të kushtojë deri në 1 mijë dollarë, në varësi të historisë së saj dhe rezultateve në garat ndërkombëtare të peshës.
Kultivuesit investojnë shuma të mëdha dhe përdorin metoda të avancuara të ushqimit dhe ujitjes për të arritur madhësi që tejkalojnë çdo imagjinatë me mbi 1 300 kilogramë. /skyweb.al
