Sipas një studimi të Agjencisë Ndërkombëtare për Kërkime mbi Kancerin (IARC), pjesë e Organizatës Botërore të Shëndetësisë (OBSH), alkooli ka kontribuar në mbi 111,000 raste të reja të kancerit në vitin 2020 brenda Bashkimit Evropian.
Në të gjithë botën, numri i kancerit të lidhur me konsumin e alkoolit arrin rreth 741,000 raste në vit, ku burrat përbëjnë rreth 70 % të këtyre rasteve.
Studiuesit shpjegojnë se alkooli mund të kontribuojë në zhvillimin e kancerit përmes disa mekanizmave: degradimi i ADN-së nga stres oksidativ, ndërhyrjet hormonale, ndryshimet në mikrobiomë, dhe prodhimi i metabolitit toksik acetaldehid.
OBSH / IARC rekomandojnë masa të forta politike për të reduktuar konsumimin e alkoolit, si:
Taksë më të larta mbi pijet alkoolike
Çmime minimale të shitjes
Rritje të moshës ligjore për konsum
Kufizime në oraret dhe vendet e shitjes
Ndalime të marketingut të alkoolit
Shitje të kontrolluara nga shteti ose licencim më i rreptë
“Politikat e alkoolit në të gjithë popullsinë zvogëlojnë pirjen e alkoolit dhe pirja e reduktuar ul rrezikun e kancerit”, tha Gundo Ëeiler drejror I programeve për shëndetin në OBSH Europë.
Ai thekson se përcaktimi i alkoolit si “trashëgimi kulturore” nuk duhet të justifikojë sëmundjen, paaftësinë dhe vdekjen që ai sjell. /Skyweb.al
