Situata e krijuar nga reshjet e shiut dhe përmbytjet në disa zona të vendit do të jetë në qendër të një mbledhjeje të posaçme të Komitetit të Emergjencave.
Mbledhja do të zhvillohet ditën e nesërme, në orën 08:30, në Kryeministri dhe do të drejtohet nga Kryeministri Edi Rama. Në këtë takim pritet të bëhet një vlerësim i plotë i situatës në terren, si edhe të përcaktohen masat për menaxhimin e emergjencës.
U dha urdhër evakuimi, Balluku në Novoselë: Qeveria, paketë dëmshpërblimi për banorët e prekur
Kryeministri do të adresojë jo vetëm mënyrën e përballimit të situatës aktuale, por edhe çështjen e dëmshpërblimeve për qytetarët e prekur, e cila konsiderohet një nga elementët më të rëndësishëm të reagimit institucional.
Autoritetet theksojnë se marrja e masave në kohë është thelbësore, për të shmangur përkeqësimin e mëtejshëm të situatës dhe për të garantuar sigurinë e banorëve në zonat e rrezikuara. /skyweb.al
