Nga fillimi i vitit 2026, çmimet e policave të sigurimit për automjetet do të ndryshojnë, pasi hyn në fuqi sistemi i ri i vlerësimit të riskut me historikun e aksidenteve të shoferëve.
Rregullorja e re e AMF, e miratuar mes debatesh në shtator 2024, do të bëjë që të gjithë drejtuesit që kanë shkaktuar aksidente gjatë vitit 2025 të paguajnë më shumë sigurim në vitin pasardhës.
Sistemi i ri, i njohur si “bonus-malus”, përfshin shtatë faktorë kryesorë: fuqinë motorike, moshën dhe eksperiencën e shoferit, mënyrën e përdorimit të mjetit, qarkun e regjistrimit, vjetërsinë e makinës dhe historikun e aksidenteve.
Në teori, drejtuesit pa dëme përfitojnë në parim “bonus”, pra ulje në çmim, ndërsa ata që kanë shkaktuar aksidente do të penalizohen me “malus” apo rritje të tarifës.
Megjithatë, ekspertët e tregut janë skeptikë për efektet reale të sistemit, duke vlerësuar se ai funksionon më shumë si “malus-malus”, pasi penalizimet janë të qarta, ndërsa uljet e premtuara mbeten të kufizuara.
Rre 3.8 për qind e drejtuesve të makinave do të preken nga rritja e tarifave për shkak të historikut të dëmeve, ndërsa aksidentet e ndodhura përpara vitit 2025 nuk do të merren në konsideratë. /skyweb.al
