BE njofton rregullat të reja për rrjetet sociale: Po përdoren fëmijët për biznes

Dëmet e shumta që u shkaktohen fëmijëve dhe adoleshentëve nga ekspozimi ndaj rrjeteve sociale nuk janë rastësi, “por rezultat i modeleve të biznesit që e trajtojnë vëmendjen e fëmijëve tanë si mall”, tha ajo gjatë një fjalimi në Copenhagen.

Ajo shtoi se BE-ja po synon veçanërisht TikTok, X dhe platformat e Meta, Instagram dhe Facebook.

“Po ndërmarrim masa kundër TikTok-ut dhe dizajnit të tij që krijon varësi, si lëvizja e pafundme (endless scrolling), riprodhimi automatik dhe njoftimet push. E njëjta gjë vlen edhe për Meta-n, sepse besojmë se Instagram dhe Facebook nuk po e zbatojnë siç duhet kufirin minimal të moshës prej 13 vjeç”, deklaroi ajo.

Komisioni ka nisur gjithashtu procedura kundër X për përdorimin e mjetit të tij të inteligjencës artificiale Grok në krijimin e imazheve seksuale të grave dhe fëmijëve.

Deri në fund të vitit, Komisioni do të synojë “praktikat e dizajnit te varësise dhe të dëmshëm”, si “kapja e vëmendjes, kontratat komplekse dhe kurthet e abonimeve”, shtoi ajo.

Von der Leyen mbështeti gjithashtu vendosjen e rregullave të rrepta për të ndaluar aksesin në rrjetet sociale për adoleshentët nën një moshë të caktuar. /skyweb.al