Një nga rekordet më të pabesueshme në historinë e aviacionit është vendosur në vitin 1959, kur një avion i vogël Cessna 172, i prodhuar nga Airbus qëndroi në ajër për plot 64 ditë, 22 orë dhe 19 minuta pa ulur rrotat në tokë.
Ky fluturim maratonë u realizua mbi shkretëtirën e Nevadës dhe mbetet ende sot rekordi më i gjatë i qëndrimit të pandërprerë në ajër për një avion me ekuipazh. Dy pilotët, Robert Timm dhe John Cook, përdorën një teknikë të jashtëzakonshme furnizimi në ajër: çdo ditë, një kamion furnizimi i afrohej pistës, ndërsa avioni zbriste në lartësi minimale për të marrë karburant, ushqime dhe ujë përmes litarësh të posaçëm, pa prekur tokën asnjëherë.
Qëllimi i fluturimit ishte promovimi i një kazinoje të Las Vegasit, por me kalimin e ditëve u kthye në një provë ekstreme që vuri në sprovë durimin, koordinimin dhe limitet fizike të pilotëve.
Kushtet në bord ishin të vështira: hapësira e kufizuar, mungesa e gjumit të rehatshëm dhe monotoninë e fluturimit të pandërprerë në një rrugë të njëjtë. Për t’u larë, pilotët përdornin ujë të hedhur në shishe plastike, ndërsa për t’u shkarkuar, përdornin enë speciale në bord.
Pas më shumë se dy muajsh në ajër, ata më në fund e ulën avionin në tokë, të rraskapitur, por me një rekord që deri më sot asnjë fluturim tjetër nuk e ka thyer.
Ky fluturim legjendar është bërë simbol i këmbënguljes dhe kreativitetit në aviacion, dhe avioni Cessna 172 që u përdor në këtë aventurë sot ekspozohet në një muze në Las Vegas si kujtim i një rekordi që sfidon logjikën. /Skyweb.al
