Në një moment kur Tirana po transformohet më shpejt se çdo qytet tjetër në rajon, një emër spikat qartë në hartën e dizajnit të brendshëm:Jonida Bojaxhiu, arkitekte dhe themeluese e Arredim.al dhe Luxora.al, tashmë e vlerësuar edhe në skenën ndërkombëtare.
Së fundmi, ajo është përzgjedhur nga Forbes Global Properties si një nga gratë vizionare që po ndikojnë në zhvillimin e interior dizajnit në Shqipëri.
Po aq domethënës është edhe suksesi i një prej projekteve të saj më të spikatura, PINKO Store në stadiumin Air Albania, i cili ka marrë çmimin BIG SEE Interior Design Award, duke e vendosur studion Arredim dhe Jonidën në një nivel të ri reference.
Këto vlerësime nuk erdhën rastësisht. Ato pasqyrojnë një mënyrë të të menduarit që është ende e rrallë në tregun shqiptar: qasjen e Jonidës për të parë dizajnin si sistem, si strategji dhe si mjet për të formësuar përvojën njerëzore. Ajo nuk krijon hapësira thjesht për t’i bërë tërheqëse, por për t’i bërë funksionale, të qëndrueshme dhe emocionalisht të balancuara.
Çdo projekt përfshin një vëmendje të veçantë ndaj dritës, volumit, materialitetit, akustikës dhe elementeve që ndikojnë në mënyrën si e përjetojmë hapësirën në përditshmëri.
Kjo filozofi ka formësuar drejtpërdrejt identitetin e Arredim.al, studio që Jonida ka themeluar dhe drejton, e cila ka krijuar një stil të dallueshëm në treg: neoklasik i rafinuar dhe luksoz, i interpretuar me qetësi vizuale dhe saktësi teknike që e pozicionon punën e saj në një nivel të veçantë. Edhe pse e bazuar në Tiranë, studio ka realizuar projekte në Shtetet e Bashkuara të Amerikës, Emiratet e Bashkuara Arabe, Azinë Perëndimore dhe në disa vende të Europës, duke dëshmuar se estetika dhe metodologjia e saj flasin gjuhën e standardeve globale.
Në një realitet ku ndërtimet e reja po ndryshojnë mënyrën si konceptohet hapësira e brendshme me tavane më të larta, dritare më të mëdha dhe izolime më të mira. Jonida e nis çdo projekt nga analiza e kushteve reale të ndërtesës, dritës natyrale, materialeve të disponueshme dhe klimës akustike, përpara se të formësojë paletën estetike.
Për të, një ambient komercial, qoftë butik, qendër estetike apo hapësirë biznesi, është vazhdimësi e identitetit të brandit.
Ndërsa në apartamente dhe vila, hapësira bëhet pasqyrim i mënyrës së jetesës dhe i nevojave të banorit. Në të dyja rastet, hapësira nuk është dekor shtesë, por një aset që ndikon drejtpërdrejt në përvojën dhe mirëqenien e atyre që e përdorin. Kjo është arsyeja pse projektet e Arredim.alnjihen për maturi, ekuilibër, përdorim inteligjent të materialeve dhe elegancë afatgjatë, një filozofi që e çoi Jonida Bojaxhiuntë themelonte edhe Luxora-n, si një kompani e dedikuar për furnizimin e arkitektëve dhe interior designerëve me materiale premium të certifikuara, shërbim të strukturuar dhe garanci të plotë për çdo projekt.
Sot, Arredim.al po shndërrohet në një nga studiot më me ndikim për bizneset dhe klientët që kërkojnë seriozitet, stabilitet dhe vizion në projektet e tyre. Njohja nga Forbes dhe nga BIG SEE vetëm sa konfirmon atë që tregu tashmë e ka vënë re:
Jonida Bojaxhiu po udhëheq transformimin e mënyrës si përjetohet hapësira në Shqipëri, duke vendosur një standard të ri për interior design-in bashkëkohor. /businessmag.al
