Parlamenti Europian ka miratuar një vendim që ndalon përdorimin e emrave tradicionalë që lidhen me mishin, si “hamburger”, “salsiçe”, “eskalop”, “biftek”, për produkte që nuk përmbajnë mish, por janë të bëra me bazë bimore.
Ky ndryshim synon të shmangë ngatërrimin e konsumatorëve dhe të sigurojë transparencë në etiketim. Eurodeputetja Celine Imart, përgjegjëse për këtë dosje në Parlamentin Europian, deklaroi se termat e tillë duhet të rezervohen vetëm për produktet nga fermat blegtorale.
Përpjekja erdhi nga shqetësimet se përdorimi i emrave të mishit për alternativa bimore mund të çojë në keqinterpretim nga konsumatorët. Një sondazh i BEUC nga 2020 zbuloi se rreth 70 % e konsumatorëve nuk shqetësohen nëse termat “hamburger” ose “salsiçe” përdoren për versionet vegjetariane/vegane, për sa kohë që paketimi është i qartë.
Në kuadër të reformës, janë propozuar 29 terma që nuk lejohet të përdoren për produktet me bazë bimore, përfshirë “mish viçi”, “pulë”, “proshutë”, “brinjë” etj.
Teksti përfundimtar do të duhet të kalojë negociata midis Parlamentit dhe Këshillit të BE-së, ku pritet që disa vende anëtare të kundërshtojnë ndryshimet. /Skyweb.al
