Një analizë e publikuar nga “Flight and routes Every day” shpjegon se çmimi i ulëseve në avion nuk lidhet vetëm me shërbimin, por sidomos me hapësirën që ato zënë dhe fitimin që sjellin për linjat ajrore.
Sipas infografikut, klasi parë (First Class) shpesh nuk është aq fitimprurëse sa mendohet, pasi kërkon hapësirë të madhe dhe shërbim të kushtueshëm.
Në anën tjetër, klasa e biznesit (Business Class) konsiderohet si më fitimprurësja për kompanitë, duke ofruar balancë midis hapësirës së shfrytëzuar dhe çmimit të lartë të biletës.
Premium Economy, edhe pse kushton 2–3 herë më shumë se Economy, i sjell kompanisë një kosto pak më të lartë se klasa bazë, duke rezultuar me përfitim të lartë.
Ndërkohë, klasa Economy, që ka shumicën e ulëseve në kabinë, në disa raste mund të jetë edhe jo fitimprurëse për fluturimet e gjata, për shkak të çmimeve më të ulëta të biletave dhe hapësirës së kufizuar për të gjeneruar fitim.
Grafiku tregon qartë dallimet mes katër klasave të zakonshme, First, Business, Premium Economy dhe Economy – duke i renditur sipas tre treguesve kryesorë: të ardhurat për njësi hapësire, hapësira e zënë për çdo ulëse dhe çmimi i biletës.
Rezultati: më pak se gjysma e ulëseve (First, Business dhe Premium Economy) sjellin pjesën më të madhe të të ardhurave për linjat ajrore.
Ky shpjegim ilustron arsyen pse kompanitë ajrore investojnë gjithnjë e më shumë në përmirësimin e klasës së biznesit dhe Premium Economy, duke i parë si burime kryesore fitimi në fluturimet ndërkombëtare jo-buxhetore. /skyweb.al
