Autoriteti Kombëtar i Ushqimit ka njoftuar tërheqjen nga tregu të formulës së qumështit për foshnje “NAN 1 OPTIPRO” 800 gram, si masë parandaluese për sigurinë ushqimore.
Sipas njoftimit zyrtar, vendimi është marrë pas informimit nga kompania prodhuese Nestlé, e cila ka konstatuar praninë e bakterit cereulide në ambientet e subjektit prodhues në Holandë. Për këtë arsye është kërkuar tërheqja e menjëhershme e lotit përkatës nga tregu.
Produktit i përket loti me kod L 51230346AE, me datë skadence 30 maj 2027.
Pas kontrolleve në terren dhe ndjekjes së gjurmueshmërisë, AKU bën me dije se ka bllokuar të gjithë sasinë e produktit që ndodhej në magazina, si edhe atë që ishte kthyer nga tregu, me destinacion asgjësimin ose rikthimin në vendin e origjinës.
Autoriteti njofton gjithashtu se gjatë verifikimeve është konstatuar se në supermarketet ku ky produkt është tregtuar është afishuar njoftimi për konsumatorët, me qëllim informimin dhe shmangien e çdo rreziku të mundshëm për shëndetin e foshnjeve. /skyweb.al
