Besmir Beja është emëruar drejtor i ri i Përgjithshëm i Doganave, pas ndryshimeve të fundit në strukturat drejtuese të administratës shtetërore.
Beja ka mbajtur më herët detyrën e Sekretarit të Përgjithshëm në Ministrinë e Financave, pozicion në të cilin ishte emëruar në muajin gusht të vitit 2024.
Emërimi i tij në krye të Doganave vjen pas largimit nga detyra të drejtuesit të mëparshëm.
Ndërkohë, Gent Gazheli, i cili ka drejtuar Doganat që prej 1 tetorit 2020, është emëruar zëvendësministër i Mjedisit. Lëvizja shënon një ripozicionim të drejtuesve në nivelet e larta të administratës, në një kohë kur qeveria po vijon ndryshimet në strukturat drejtuese të institucioneve kyçe./skyweb.al
