Gjatë muajit janar 2026, më shumë se 20 mijë vizitorë vendas dhe të huaj kanë vizituar sitet kulturore në Shqipëri, duke dëshmuar një interes të vazhdueshëm për trashëgiminë kulturore të vendit.
Sipas të dhënave të publikuara nga ministri i Turizmit, Kulturës dhe Sportit, Blendi Gonxhja, muzetë kombëtarë janë frekuentuar nga 11,315 vizitorë gjatë këtij muaji. Parqet arkeologjike kanë regjistruar 6,012 vizitorë, ndërsa kalatë dhe monumentet e kulturës janë vizituar nga 2,693 persona.
Sa i përket siteve më të vizituara, kryeson Muzeu Kombëtar “Gjergj Kastrioti Skënderbeu” në Krujë me 4,948 vizitorë. Në vend të dytë renditet Parku Arkeologjik i Shkodrës me 3,475 vizitorë, i ndjekur nga Kalaja e Gjirokastrës me 2,167 vizitorë. Pesë siteve më të frekuentuara u shtohen edhe Muzeu Ikonografik “Onufri” në Berat, i vizituar nga 1,604 persona, si dhe Parku Arkeologjik i Butrintit me 1,100 vizitorë gjatë muajit janar. /skyweb.al
