Merz e bëri deklaratën gjatë vizitës së tij të parë zyrtare në Kinë që prej marrjes së detyrës, ku u shoqërua nga një delegacion biznesi prej rreth 30 përfaqësuesish. Ai theksoi se Gjermania e sheh veten si pjesë të Bashkimit Europian dhe se çështjet e politikës tregtare dhe monetare trajtohen në koordinim me partnerët europianë.
Kancelari ngriti gjithashtu shqetësimin për deficitin tregtar me Kinën, i cili sipas tij ka kaluar mbi 80 miliardë euro dhe është katërfishuar që nga viti 2020, duke e cilësuar këtë zhvillim si një dinamikë jo të shëndetshme për ekonominë gjermane.
Gjatë vizitës në Pekin, Merz u prit me ceremoni zyrtare nga kryeministri Li Qiang dhe zhvilloi një takim edhe me presidentin Xi Jinping. Në këtë kuadër u njoftua rifillimi i konsultimeve qeveritare gjermano-kineze dhe u nënshkruan pesë marrëveshje bashkëpunimi, përfshirë edhe fusha si lufta kundër ndryshimeve klimatike.
Vizita sinjalizon një përpjekje për të forcuar dialogun dhe partneritetin ekonomik mes Berlinit dhe Pekinit, duke ruajtur njëkohësisht balancën mes bashkëpunimit dhe mbrojtjes së interesave strategjike. /skyweb.al
