Në kontekstin e sfidave të reja që paraqet epoka e inteligjencës artificiale, Këshilli Shqiptar i Medias ka nisur që prej 2 muajsh një fushatë edukuese për të sensibilizuar publikun mbi rëndësinë e vetë-rregullimit në media. Fushata “Etika në Epokën e Inteligjencës Artificiale” është një përgjigje proaktive ndaj kërcënimeve që teknologjitë e reja sjellin për integritetin e informacionit.
Këshillat e shtypit dhe medias janë organe të pavarura që luajnë një rol thelbësor në promovimin e gazetarisë etike. Ata trajtojnë ankesat e publikut, mbështesin saktësinë dhe llogaridhënien, duke i udhëzuar gazetarët dhe duke mbrojtur publikun nga dezinformimi dhe gjuha e urrejtjes.
Videot e fushatës tregojnë se në një epokë ku përdoruesit nuk e dinë se çfarë është e vërtetë, këshillat e medias ofrojnë mbikëqyrje etike të besueshme, duke rindërtuar besimin e audiencës. “Besimi është një rrugë me dy kahe: media duhet ta fitojë atë dhe publiku duhet ta mbështesë atë”, është një nga mesazhet kryesore që përcillet në videot.
Kjo iniciativë rajonale, që bashkon gjashtë vende të Ballkanit Perëndimor dhe Turqinë, demonstron forcën e bashkëpunimit në mbrojtjen e vlerave demokratike dhe të drejtave të njeriut përmes mediave të përgjegjshme.
