Autoriteti i Konkurrencës ka nisur monitorimin e tregut të karburanteve me shumicë dhe pakicë, duke u fokusuar te çmimet e benzinës dhe naftës, në zbatim të ligjit nr. 9121/2003. Të gjitha ndërmarrjet e tregtimit të karburanteve janë aktualisht nën vëzhgim.
Institucioni paralajmëron se do të ndërhyjë nëse konstatohen rritje çmimesh që nuk përputhen me luhatjet në bursat ndërkombëtare. Sipas tij, çdo devijim i pajustifikuar, koordinim çmimesh apo abuzim me pozitën dominuese do të trajtohet sipas ligjit.
Monitorimi synon të garantojë transparencë, funksionim normal të tregut dhe mbrojtje të konsumatorëve.
Ndërkohë, disa pika karburanti në Tiranë kanë rritur çmimet me 4 lekë për litër, ndërsa operatorët paralajmërojnë shtrenjtim deri në 20 lekë për litër.
