Gjykata Kushtetuese ka shpallur vendimin lidhur me mbylljen e platformës TikTok, duke vlerësuar se masa e ndërmarrë ka cenuar lirinë e shprehjes.
Në vendimin e saj, Gjykata thekson se bllokimi i kësaj platforme përbën ndërhyrje në të drejtën për lirinë e fjalës dhe shprehjes, një e drejtë themelore e garantuar nga Kushtetuta.
Sipas Gjykatës Kushtetuese, çdo kufizim i një platforme komunikimi duhet të jetë i bazuar në arsye të qarta dhe të jetë proporcional me qëllimin që synohet të arrihet.
Vendimi nënvizon se ndërhyrjet e autoriteteve publike në hapësirën e komunikimit online duhet të respektojnë standardet kushtetuese dhe të mos cenojnë në mënyrë të pajustifikuar të drejtat dhe liritë themelore të qytetarëve./skyweb.al
