Duke ngritur shqetësimin për një mungesë të mundshme të karburantit për avionët, ministri qipriot i Transportit, Alexis Vafeades, deklaroi se “nuk jemi në një situatë të rrezikshme, por ekziston mundësia e mungesës së karburantit për avionët”, duke paralajmëruar se kjo “mund të prekë çdo qytetar”.
Ai i bëri këto komente me të mbërritur në Këshillin e BE-së në Bruksel, ku do të kryesojë një video-konferencë joformale të ministrave të transportit, të mbledhur për të diskutuar krizën energjetike.
“Duhet të jemi të vetëdijshëm dhe të përgatitur për përballimin e kësaj situate që nuk do të kalojë lehtë”, shtoi ai.
Më tej, Vafeades theksoi se “Evropa mund të përballet me një problem afatshkurtër të furnizimit me karburant dhe një problem afatmesëm dhe afatgjatë të kërkesës”, duke nënvizuar sfidat që mund të shfaqen në vijim./skyweb.al
