Qeveria ka miratuar rregulla të reja për projektet e infrastrukturës energjetike me rëndësi rajonale dhe transevropiane.
Projektet që përfshihen në listën e Komunitetit të Energjisë marrin statusin e çështjeve me rëndësi kombëtare dhe duhet të trajtohen me prioritet në procedurat e lejeve.
Edhe ankimet dhe mosmarrëveshjet gjyqësore që lidhen me këto projekte do të trajtohen si çështje urgjente.
Procedura para aplikimit parashikohet të zgjasë deri në 24 muaj, ndërsa procedura ligjore e lejeve deri në 18 muaj.
Në total, procesi duhet të përfundojë brenda 42 muajve, megjithëse në raste të caktuara mund të zgjatet deri në nëntë muaj të tjerë.
Projektet e përzgjedhura do të marrin gjithashtu prioritet të lartë në planet kombëtare dhe rajonale të investimeve energjetike. /skyweb.al
