Numri i automjeteve në qarkullim në Shqipëri vijon të rritet, ndonëse ritmet janë ngadalësuar. Sipas DPSHTRR-së, gjatë janar-gushtit 2026 u regjistruan për herë të parë 66.5 mijë mjete, pothuajse në të njëjtin nivel me një vit më parë. Vetëm në gusht u regjistruan rreth 8.1 mijë mjete, 10% më pak se në të njëjtin muaj të 2025-s.
Koreja e Jugut dhe Kina vijojnë të dominojnë importet, me përkatësisht 17.5 mijë dhe 10.6 mijë mjete. Gjermania dhe Italia renditen pas tyre.
Ndërkohë, makinat elektrike po fitojnë terren. Në 8-mujor u regjistruan 7,087 mjete elektrike, 2.5 herë më shumë se një vit më parë, duke përbërë 10.6% të totalit. Volkswagen dhe Mercedes-Benz mbeten markat më të preferuara, ndërsa BYD po rrit me shpejtësi pjesën e saj në treg, duke arritur në 7%.
Në fund të gushtit, numri i mjeteve në qarkullim në vend arriti në rreth 1.1 milionë.
