Kryebashkiaku i Himarës, Vangjel Tavo, bëri një dalje të pazakontë mbrëmjen e sotme në emisionin “Opinion”. Teksa u përgjigjej pyetjeve të gazetarit Blendi Fevziu për dëmet e shkaktuara nga zjarri i madh në Himarë, Tavo qeshte dhe në disa momente i linte fjalët përgjysmë.
Reagimet e tij të çuditshme ranë në sy pasi kryebashkiaku po fliste për shtëpitë dhe mijëra rrënjët e ullinjve të shkrumbuara nga flakët. Për përballimin e zjarrit u kërkua angazhimi i një numri të madh zjarrfikësish nga i gjithë vendi.
“Janë djegur tre shtëpi të banuara dhe tre shtëpi të vjetra, rreth 200-vjeçare, të cilat kanë pasur vetëm muret, në fakt. Janë djegur edhe rreth 3 mijë rrënjë ullinj”, deklaroi Tavo, duke qeshur gjatë përgjigjes së tij.
Mënyra se si fliste, të qeshurat dhe fjalitë e lëna përgjysmë sollën reagime të shumta në rrjetet sociale. Disa komentues hodhën dyshime se kryebashkiaku i Himarës mund të kishte konsumuar alkool në sasi të mëdha përpara daljes televizive, ndërsa të tjerë e cilësuan sjelljen e tij të papërshtatshme në një moment kur diskutohej për dëmet e pësuara nga banorët.
Për shkak se nga videoja nuk mund të nuhatet aroma e rakisë, nuk mund të spekulohet nëse Vangjel Tavo ishte apo jo i dehur gjatë intervistës te Fevziu. Megjithatë, të qeshurat dhe reagimet e tij të pazakonta, ndërsa fliste për shtëpitë dhe ullinjtë e djegur, janë të dukshme.
SHIHNI VIDEON DHE VLERËSOJENI VETË
View this post on Instagram
Pamjet e Tavos po qarkullojnë masivisht në rrjet, ndërsa u mbetet lexuesve të vlerësojnë sjelljen e kryebashkiakut gjatë intervistës. /skyweb.al
