Të gjitha mostrat e vezëve të marra për analizë në rajonin e Elbasanit kanë rezultuar pozitive për prezencën e bakterit salmonelë. Lajmi ngre shqetësime serioze për sigurinë ushqimore dhe rrezikun që paraqitet për konsumatorët.
Presidenti i Urdhrit Veterinar, Ervin Resuli, e ka cilësuar këtë si një kërcënim të drejtpërdrejtë për shëndetin publik, sidomos nëse vezët konsumohen pa përpunim të mjaftueshëm termik. Sipas tij, salmonela mund të shkaktojë sëmundje gastrointestinale akute, me pasoja të rënda për fëmijët, të moshuarit, gratë shtatzëna dhe personat me imunitet të dobët.
Në reagim ndaj situatës, Urdhri i Veterinarëve ka kërkuar ndalimin e menjëhershëm të tregtimit të vezëve të kontaminuara, gjurmimin e lotit të infektuar dhe kryerjen e kontrolleve të thelluara sanitar-veterinare në subjektet përkatëse. Po ashtu, është theksuar nevoja për të informuar konsumatorët dhe për të asgjësuar produktet e rrezikshme sipas procedurave ligjore.
Ky zhvillim vjen në vazhdën e një tjetër rasti alarmant të raportuar më herët, ku dhjetëra fëmijë në një kopësht në Gramsh u prekën nga salmonela, duke shtuar shqetësimin për përhapjen e këtij bakterit në produktet ushqimore në vend. /skyweb.al
