Marka e njohur “Vetements” është përballur me kritika të shumta online pasi ka nxjerrë në shitje një këmishë të bardhë që duket sikur ka një shenjë të djegur nga hekuri në xhepin e kraharorit.
Këmisha “Ëhite Ironing Burn Graphic Shirt”, paraqet një prerje të gjerë (oversized) dhe një grafikë që imiton një shenjë djegieje, e menduar si element dizajni.
Këmisha shitet për 1,139 dollarë, çmim që shumë përdorues të rrjeteve sociale e kanë cilësuar si të tepruar për një veshje kaq të thjeshtë që ngjan me një rrobë të dëmtuar.
Në rrjet, reagimet kanë qenë të shumta dhe shpesh me nota ironie. Disa komentues janë shprehur me batuta si: “Mamaja ime ma bën këtë falas”, “Nuk do të them që ia dogja këmishën burrit dhe e bleva nga ky brand”, apo “Del që grumbulli im i rrobave për larje qenka arkivë e modës luksoze”.
Të tjerë e kanë cilësuar produktin si absurd dhe të mbivlerësuar. “Do të habiteni se çfarë janë të gatshëm të paguajnë njerëzit. Emocioni është gjithçka, jo kostoja. Brenda psikologjisë njerëzore, pothuajse çdo gjë mund të shitet,” shkroi një përdorues.
Kjo nuk është hera e parë që marka luksoze kritikohen për shitjen e produkteve “të dëmtuara” me çmime të larta. Ndërsa disa e shohin këtë si formë ekskluziviteti dhe deklaratë mode, të tjerë e konsiderojnë si një mënyrë përfitimi që shfrytëzon tendencat dhe konsumatorët. /skyweb.al
