Çmimet e mishit të viçit në Shtetet e Bashkuara dhe në botë, përfshi Shqipërinë, po stabilizohen në nivele të larta dhe industria paralajmëron se kjo prirje mund të zgjasë për disa vite.
Kombinimi i ofertës së kufizuar të bagëtive dhe kërkesës së fortë për proteina pas ndryshimit dhe të piramidës ushqimore po mban kostot të larta përgjatë gjithë zinxhirit të furnizimit.
Sipas të dhënave të fundit, stoku i bagëtive në SHBA ka rënë në nivelin më të ulët në rreth 75 vjet, ndërsa fermerët po tregohen të kujdesshëm për të mos rritur shpejt tufat, pasi fitimet aktuale mbeten të larta.
Si rezultat, përpjekjet për të ulur çmimet kanë pasur ndikim të kufizuar në treg.
Statistikat e Departamentit të Punës tregojnë se në janar çmimet e mishit të grirë ishin rreth 17% më të larta krahasuar me një vit më parë, ndërkohë që rritja mesatare e çmimeve për ushqimet e tjera ishte vetëm rreth 2%.
Kjo diferencë tregon presionin e veçantë që po përjeton tregu i mishit.
Industria e konsideron viçin si “proteinë premium”, me kërkesë që mbetet e fortë pavarësisht çmimeve.
Kjo dinamikë po krijon një realitet të ri për konsumatorët, ku niveli i lartë i çmimeve po shihet gjithnjë e më shumë si normalitet dhe jo si fenomen i përkohshëm.
Në këtë kontekst, mesazhi i tregut është i qartë: Pa një rritje të ndjeshme të prodhimit, çmimet e mishit pritet të mbeten të larta, duke reflektuar balancën aktuale mes ofertës së kufizuar dhe kërkesës së qëndrueshme. /skyweb.al
