Në mbledhjen e parë të qeverisë pas ndryshimeve të fundit në kabinet janë miratuar edhe disa vendime të reja.
Këshilli i Ministrave miratoi vendimin për dhënien e një kompensimi financiar mujor për periudhën kontributive janar–shtator 2026, në lidhje me kontributet e sigurimeve shoqërore dhe shëndetësore të punëdhënësit për subjektet që preken nga rritja e pagës minimale.
Sipas njoftimit të Agjencise për Media dhe Informim, kompensimi financiar do të llogaritet dhe do të jepet mbi bazën e numrit maksimal të punonjësve që kanë një pagë bruto nga 40 000 deri në 49 999 lekë.
Gjithashtu, qeveria miratoi edhe një vendim tjetër që përcakton parimet, rregullat dhe procedurat për menaxhimin, administrimin dhe rikuperimin e garancive shtetërore të dhëna për huat dhe nënhuat.
Ky vendim përfshin edhe mënyrën e kthimit të kredive shtetërore të papaguara, të cilat janë dhënë nga bankat e nivelit të dytë me kapital plotësisht shtetëror përpara procesit të privatizimit të tyre. /skyweb.al
