Shqipëria dhe Portugalia bëhen më pranë se kurrë më parë. Kompania ajrore EasyJet ka inauguruar linjën e re direkte që lidh Tiranën me Lisbonën, duke hapur një mundësi të re për udhëtimet turistike dhe kulturore mes dy vendeve.
Fluturimi i parë nga Lisbona mbërriti sot në Aeroportin Ndërkombëtar të Tiranës, duke shënuar fillimin zyrtar të këtij itinerari të ri ajror. Linja do të operohet dy herë në javë, çdo të martë dhe të shtunë, duke krijuar më shumë mundësi për shqiptarët që dëshirojnë të vizitojnë plazhet e Atlantikut, rrugicat historike dhe gastronominë e njohur portugeze.
Në të njëjtën kohë, edhe turistët portugezë do të kenë më shumë akses drejt Shqipërisë, duke ndihmuar në forcimin e shkëmbimeve turistike, kulturore dhe ekonomike. /skyweb.al
